វិទ្យាស្ថានអភិបាលកិច្ចឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា បានសហការជាមួយមន្ទីរប្រៃសណីយ៍និងទូរគមនាគមន៍ ខេត្តកំពង់ស្ពឺ រៀបចំវគ្គបណ្តុះបណ្តាលស្តីពី «សន្តិសុខសាយប័រសម្រាប់ទាំងអស់គ្នា»

បណ្ឌិតសភាឌីជីថលកម្ពុជា: កាលពីថ្ងៃទី១៣ ខែវិច្ឆិកា ឆ្នាំ២០២៣

វិទ្យាស្ថានអភិបាលកិច្ចឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា បានសហការជាមួយមន្ទីរប្រៃសណីយ៍និងទូរគមនាគមន៍ ខេត្តកំពង់ស្ពឺ រៀបចំវគ្គបណ្តុះបណ្តាលស្តីពី «សន្តិសុខសាយប័រសម្រាប់ទាំងអស់គ្នា» ជូនដល់មន្រ្តីរាជការ និងបុគ្គលិកជាប់កិច្ចសន្យាមកពី មន្ទីរ អង្គភាពនានាជុំវិញសាលាខេត្តកំពង់ស្ពឺ ដែលមានសិក្ខាកាមសរុបចំនួន ៨០រូប ស្រី ១២រូប។

វគ្គបណ្តុះបណ្តាលខាងលើ មានគោលបំណងពង្រឹងសមត្ថភាព និងចំណេះដឹងបន្ថែមអំពីហានិភ័យថ្មីៗ និងការគំរាមគំហែងតាមអ៊ីនធឺណិត ការការពារសុវត្ថិភាពក្នុងការប្រើប្រាស់អ៊ីនធឺណិត អ៊ីមែល និងបណ្ដាញព័ត៌មានសង្គម របៀបការពារឯកជនភាព និងទិន្នន័យផ្ទាល់ខ្លួន។